ZBULOHET QENIA E GJALLË MË JETËGJATË NË PLANET
Quhet Ming, si dinastia që mbretëronte Kinën. Ka lindur 410 vjet më parë, është një midhje, e cila i përket species Arctica Islandica dhe është zbuluar në ujërat islandezë nga kërkuesit e Bangor University. Mosha nga 405- 410 është përcaktuar duke numëruar unazat mbi shpinën e guaskës. Sipas librit të rekordeve Guinness, rekordi i mëparshëm i përkiste një midhjeje tjetër, që ishte 220-vjeç, dhe pse ky nuk është një rekord zyrtar. Shkencëtarët po punojnë për të kuptuar se cilët faktorë kanë kontribuar për të pasur një jetëgjatësi të tillë.