llotaria amerikane per vitin 2010

Titulli: llotaria amerikane per vitin 2010 26th March 2009, 5:50 am

Programi i Llotarisë Amerikane viti 2010

Programi i Llotarisë Amerikane i autorizuar nga Kongresi Amerikan, administrohet vit për vit nga Departamenti Amerikan i Shtetit dhe mbikqyret sipas kushteve të Seksionit 203(c) të Aktit Amerikan të Emigracionit dhe Kombësisë (AEK). Seksioni 131 i Aktit të Emigracionit të vitit 1990 (Pub. L. 101-649) përmirësoi Seksionin 203 të AEK që të përfshijë një klisifikim të ri të emigrantëve të quajtur "emigrantë të shumëllojshëm". Ky akt vë në dispozicion çdo vit një maksimum prej 50.000 vizash emigrimi për persona nga shtete me raport të ulët emigrimi për qëndrim të përhershëm në Shtetet e Bashkuara të Amerikës.

Shënim: Ka pasur shumë raste ku faqe të ndryshme Interneti janë paraqitur si faqe zyrtare të Qeverisë së Shteteve të Bashkuara. Disa nga këto kompani kanë kërkuar para në mënyrë që të “plotësoni” formularin e aplikimit për llotarinë. Ju njoftojmë që nuk ka pagesë për të plotësuar formularin e aplikimit të llotarisë Amerikane. Departamenti Amerikan i Shtetit njofton fituesit me postë, dhe JO me e-mail. Shërbimi i vizave në Departamentin Amerikan të Shtetit këshillon publikun që vetëm faqet e Internetit që mbarojnë me shtesën “state.gov” janë faqe zyrtare të qeverisë së Shteteve të Bashkuara. Nëse dëshironi të ankoheni, ju lutemi vizitoni faqen e Internetit http://www.econsumer.gov/english/ , që organizohet nga Komisioni Federal i Tregtisë. Për më shumë informacion mbi Paralajmërimet e Mashtrimeve të Internetit ju lutemi vizitoni faqen http://travel.state.gov/visa/immigrants ... _1749.html .

Regjistrimet për aplikimin e llotarisë Amerikane DV-2010 fillojnë në orën 12:00 të drekës në datën 2 Tetor 2008, dhe mbarojnë në 12:00 të drekës në datën 1 Dhjetor 2008. Informacioni dhe udhëzimet e llotarisë DV-2010 do të shfaqen në këtë faqe Interneti, sapo të jenë gati. Ju lutemi vizitoni faqen e Internetit të Departamentit Amerikan të Shtetit http://travel.state.gov/visa/immigrants ... _1318.html për më shumë informacion. Faleminderit për interesimin tuaj për Programin e Llotarisë Amerikane.